Mazkur tadqiqot aholi takror barpo boʻlish jarayonlarining iqtisodiy faol aholi shakllanishiga ta'sirini baholashga bagʻishlangan. Izlanish davomida 2012–2024 yillarni qamrab olgan tumanlar kesimidagi statistik ma'lumotlar asosida panel ekonometrik tahlil oʻtkazildi. Xususan, demografik va iqtisodiyomillarning ta'sir darajasini aniqlash maqsadida Fixed Effects va Random Effects modellari qoʻllanilib, Hausman testi yordamida eng maqbul model tanlab olindi. Olingan natijalar hududlarda kechayotgan demografik jarayonlar iqtisodiy faol aholi shakllanishiga sezilarli ta'sir koʻrsatishini koʻrsatdi.